މި ކައުންސިލާއި މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗރ ގުޅިގެން ރަށުގެ  ބޭސިކް އެގްރިކަލްޗަރ ތަމްރީނު ޕޮރޮގްރާމެއް ހިންގައިފިއެވެ. މި ޕޮރޮގްރާމުގެ ތެރެއިން ބިންތައްޔާރުކުރާނެ ގޮތާއި، ގަސްގަހަށް ޖެހޭބަލި ދެނެގަތުމާއި، މުޑުވައްކުރާނެ ގޮތާއި އަދި މިނޫންވެސް ދަނޑުވެރިންނަށް ބޭނުންތެރި ގިނަ މަޢުލޫމާތު ބައިވެރިންނާއި ޙިއްޞާކުރެވިފައި ވެއެވެ. ތިއަރީ އަދި ޕްރެކްޓިކަލް ބައި ހިމަނައިގެން އަށްދުވަހުގެ މުއްދަތަށް، ދުވާލަކު ދެ ސެޝަނަށް ބަހާލައިގެން ކުރިއަށް ގެންދިޔަ މި ޕްރޮގްރާމްގައި 18 ފަރާތަކުން ވަނީ ބައިވެރިވެފައެވެ.

މި ޕޮރޮގްރާމްގައި ބައިވެރިވި ފަރާތްތަކަށް މި ތަމްރީނަށް ބޭނުންވާ އޮށާއި ގަސްކާނާފަދަ ތަކެތި މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗރ އިންވަނީ ފޯރުކޮށްދީފައެވެ.